Teknikariak eta Kudeaketako eta Administrazio eta Zerbitzuetako Langileak
TEKAZELen plantilla nabarmen handitzeko eta lanpostuen balorazioa hobetzeko
lan egingo dugu, etengabeko prestakuntzaren, nazioartekotzearen, ikerketaren eta
transferentziaren erronka berriei lotutako langile espezializatuen lanpostuak gutxienik
% 50 gehiago jarrita. Lan egonkortasunarekin, garapen profesionalarekin eta langileen
ongizatearekin konprometitzen gara. Horretarako, behin-behinekotasuna murriztuko
dugu, ohiko promozioa erraztuko dugu eta kudeaketa prozesu guztiak hobetuko
ditugu. Horrek guztiak kontziliazioa optimizatzen eta unibertsitate komunitatea
indartzen lagunduko digu.
Erreferentziako plantilla eta lanpostuen balorazioa
Erreferentziako plantilla definituko
dugu, lanpostuen deskribapena eguneratuz prestakuntza, ikerketa, transferentzia eta
nazioartekotze erronka berriei erantzuteko espezializazioa lortuz.
Plantilla handitzea
Zerbitzu estrategikoetan espezializatutako langileen plantilla % 50
handituko dugu, unibertsitateak prestakuntza, ikerketa, transferentzia eta nazioartekotze
erronkei modu egokian aurre egin ahal izan diezaien.
Behin-behinekotasuna
Prozesuak amaituko ditugu behin-behinekotasuna % 8ra baino gutxiagora murrizteko, eta trantsizio denbora bermatuko dugu, eskuratutako ezagutz
aprobetxatzeko eta zerbitzuan aldaketa nabarmenik ez izateko.
Telelana
Lan baldintzak hobetuko ditugu eta zerbitzu bakoitzaren beharretara egokitutako telelana sustatuko dugu, langileen bizitza pertsonala eta lan bizitza bateratzen lagunduz.
Ordutegiak
Unibertsitateko bulegoak eta zerbitzuak irekitzeko ordutegiak aztertuko ditugu, ahalik eta orekarik onena lortzeko zerbitzu publikoaren, eskura dauden baliabideen eta ingurumenaren jasangarritasunaren artean.
Langileak egonkortzea
Bi urtean behin deialdiak egingo ditugu bitarteko langileak egonkortzeko, behin-behinekotasuna murriztuz eta laneko jarraitutasuna bermatuz.
Promozio erregularra
TEKAZELen promozio erregularra ahalbidetuko duen plana ezarriko dugu, langileen talentua eta gaitasuna aitortuz.
Maila igoerak
Maila igoerak eta goi mailako heziketa zikloetarako B taldea ezartzea negoziatuko dugu,
unibertsitatean garapen profesionalerako aukerak erraztuz.
Eskala berriak
TEKAZELen karrera profesionalaren eredua berriz diseinatuko dugu, haren garapena bultzatuko duten eskala berriak sortuz.
Administrazioa optimizatzea
Kudeaketa prozesuak optimizatuko ditugu burokrazia
murrizteko eta eskuzko zereginak automatizatzeko, TEKAZELen egunerokotasuna sinplifikatuz.
Lan ongizatea
Estres maila handiko lanpostuen diagnostiko zehatza egingo dugu, hainbat faktore kontuan hartuta, hala nola lan karga, epe estuak eta giza baliabideen kudeaketa.
Antolamendu aldaketak aztertuko ditugu, eta, beharrezkoa izanez gero, laguntza psikologikoko
zerbitzuaren laguntza eskainiko dugu.
Deskonexio digitala
Langileek lan ordutegitik kanpo deskonexio digitala izateko duten eskubidea bermatzeko neurriak sustatuko ditugu, eta jardunbide egokien eskuliburu bat
sortuko dugu.
Langile berriak
Harrera protokolo eta plan pertsonalizatuak sortuko ditugu lanpostu guztietan, langile hasiberriei lehen urratsetan laguntzeko eta gidatzeko.
Langile beteranoak
Mentoring plana egingo dugu, langile beteranoen irteera kudeatzeko eta haien ezagutzak eta esperientzia belaunaldi berriei transferitzeko.
Etengabeko prestakuntza
Espezializazio arlo guztietan lanpostuekin lotutako gaitasun espezifikoak eskuratzeko prestakuntza eredu bat eskainiko dugu, karrera profesionalari lotutako prestakuntza ibilbide bat garatuz.
Digitalizazioa
Teknologia berriei eta digitalizazioari buruzko prestakuntza sustatuko dugu, langile guztiak seguru eta eroso senti daitezen beren eginkizunetan tresna digitalak erabiltzeko garaian.
Pizgarri gehigarriak
Ongizate Plan bat diseinatuko dugu eta pizgarriak eskaintzeko aukera aztertuko dugu, unibertsitate komunitate osorako.
