Komunikazioa
UPV/EHUn komunikazioa eta gardentasuna erraztuko ditugu honakoen bitartez: leihatila bakarra, komunikazio hobea izapideetan, identitatea eta marka sendoa, irisgarritasun digitala, nazio eta nazioarteko ikusgarritasuna, harreman aktiboa komunikabideekin eta etengabeko komunikazioa unibertsitateko komunitatearekin.
Deiak erantzutea
Telefono dei guztiek erantzun egokia jaso dezaten zerbitzuei laguntzeko sistema ezarriko dugu, kontsulta ebazteko dei bakoitza zerbitzu egokira bideratua izan dadin.
Ikerketaren kudeaketa
Ekintza zehatzak eta prozedurak ezarriko ditugu ikerketaren kudeaketan funtsezkoak diren zerbitzuen arteko komunikazioa eta koordinazioa hobetzeko, hala nola langileen kudeaketa, kontratazioa eta erosketak, zerbitzu juridikoak eta doktoretza, besteak beste.
Izapideen jarraipena
Pertsonei eta sailei eskaintzen zaien komunikazioa hobetuko dugu izapide eta prozesu mota guztiak gauzatzean, horiek egoitza elektronikoan integratuz. Horri esker, une oro jakin ahal izango da izapidetzearen zein puntutan dagoen prozesua.
Leihatila bakarra
Leihatila bakarra sortuko dugu, unibertsitate komunitatearen eta gobernu taldearen arteko komunikazio zuzena errazteko. Horren bidez, eskaerak, proposamenak, konponbideak eta iritziak modu eraikitzailean aurkeztu ahal izango dira, erabakiak hartzerakoan parte hartze aktiboa eta kolaboratiboa sustatuz.
Gardentasun ataria
Gardentasun ataria indartuko dugu, argitaratzen den informazioaren tamaina eta mota handituz eta berrerabilera bermatzen duten formatu ez-jabeetan informazio eskuragarria eskainiz.
Aurrekontu gardenak
Kudeaketa ekonomiko gardena bermatuko dugu, aurrekontuetarako eta aurrekontuen betearazpenetarako sarbide publikoa izango duena, eta unibertsitate komunitateak eta kanpoko eragileek finantza egoeraren ikuspegi argia eta eguneratua izango dutela ziurtatuko dugu.
Arauen dibulgazioa
Arauen zergatiari eta helburuari buruzko komunikazioa hobetuko dugu.
Identitatea eta marka
Nortasun eta marka estrategia ezarriko dugu, UPV/EHU esparru akademiko, ikertzaile eta sozialean erreferentziazko unibertsitate gisa kokatzeko. Horren barruan, UPV/EHUk gizarteari egindako ekarpenei, lorpenei eta balioei buruzko narratiba koherente bat sortuko litzateke, bere komunikazio kanal guztien bidez transmitituko litzatekeena.
Irisgarritasuna
Unibertsitateko plataforma eta baliabide digital guztiak komunitate osorako irisgarriak izatea ziurtatuko dugu, dibertsitate funtzionala duten pertsonak barne.
Komunikazio kanpainak
UPV/EHUri nazioan eta nazioartean ikusgarritasuna emango dioten komunikazio kanpainak abiaraziko ditugu, irakaskuntzaren kalitatea, ikertzeko gaitasuna eta berrikuntzarekiko eta jasangarritasunarekiko konpromisoa nabarmenduz.
Unibertsitate aurreko orientazioa
Unibertsitate aurreko etapetan pertsonekiko loturak sustatuko ditugu, jasotzen duten orientazioa hobetzeko, Lau Haizetara edo EGOkITU bezalako ekimenak sustatuz.
Komunikabideekin harreman aktiboa
Harreman aktiboa sustatuko dugu tokiko zein nazioarteko komunikabideekin, unibertsitatearen balioak, lorpenak eta jarduerak zabaltzeko.
Barne komunikazio hobea
UPV/EHUn garatzen diren aurrerapen zientifikoei, proiektu berritzaileei eta kultura jarduerei buruzko eduki garrantzitsua biltzen duten barne komunikazioko taldeak jarriko ditugu martxan informazioa hedabideei zabaltzeko.
Kexentzako kanala
Ikasleen, IRIren eta TEKAZELen kexak modu errazean izapidetzeko kanal berria irekiko dugu.
Zuzeneko harremana
Ikastegi guztietara bisitak egingo ditugu ikasle, IRI eta TEKAZEL langileekin biltzeko eta haien iradokizunak, kexak etab., zuzenean entzuteko.
Distribuzio zerrendak
Unibertsitateak unibertsitate komunitateari eskaintzen dizkion zerbitzuen ikusgarritasuna hobetuko dugu, hala nola, kirolak, kultura, boluntarioak, Klinika Odontologikoa, etab., norbanakoen interesen arabera harpidetu ahal izateko horretarako jarriko ditugun distribuzio zerrenden bitartez.
Campus arteko topaketak
Campusen arteko topaketak antolatuko ditugu ikasle, IRI eta TEKAZELen eta nazioarteko kideen pertenentzia sentimendua sustatzeko, elkarlaneko sinergiak sortzeko asmoz, diziplina eta arlo desberdinetako pertsonen topaketak erraztuz.
