Ikerketa eta transferentzia
III. Ikerketa eta Transferentzia Planari jarraituz, unibertsitate egiturak indartuko ditugu, finantzaketa bikoiztuz, laguntza eta kudeaketako langileak % 25 handituz; komunikazioa eta prozesuak hobetuko ditugu, ikerketako eta ezagutzaren transferentziako aliantzak bultzatuz eta epe luzerako iraunkortasuna bermatuz, eta Osasun eta Hezkuntza arloei arreta berezia eskainiz.
Beste ikerketa eta transferentzia zentroekiko harremanak sustatuko ditugu, ikerketa azpiegitura sendo eta konektatua sortuz; talentua, ikerketa funtsetarako sarbidea, nazioarteko proiekzioa, graduondoko eskaintza eta administrazio eraginkortasuna biderkatuko ditugu.
Gainera, nazioartekotzearekin, lurraldera lotutako kalitatezko transferentziarekin, elkarlaneko ikerketarekin eta zientzia irekiarekin lotutako ekintzak areagotzen dituen programa aurkezten dugu, genero ikuspegia eta pertsonen eta taldeen aitortza kontuan hartuko dituena.
Ikerketaren finantzaketa
ikerketara bideratutako aurrekontua bikoiztuko dugu, gure proiektu estrategikoenen epe luzeko finantzaketa bermatuuz.
Langile gehiago
Ikerketaren eta transferentziaren kudeaketarako eta laguntzarako langileen kopurua % 25 handituko dugu, eta, gainera, espezializazioa eta prestakuntza indartuko ditugu programa espezifikoen bidez.
Prozeduren eraginkortasuna
Prozeduren eraginkortasuna hobetuko dugu, ikerketa talde eta zentroen eta campusen behar espezifikoei erantzuteko.
Ikerketa irizpideak berrikusi
Ikerketa ebaluatzeko irizpideak, tresnak eta prozesuak berrikusiko ditugu, beste erakunde batzuekin lankidetzan, CoARA (Coalition for Advancing Research Assessment) ekimenaren esparruan.
Ikerketa irizpideak zabaldu
Ebaluazio irizpide berriei buruzko kontzientziaziorako eta formaziorako ekintzak sustatuko ditugu, 2030erako ezarrita egon daitezen.
Zentroen aitortza eta finantzaketa
Ikerketa Intentsiboko Zentro propioei eta Unibertsitate Institutuei aitortza eta denboran iraunkorra den finantzaketa emateko mekanismoak sendotuko ditugu.
Ikerketa zentro berriak
Zentro berriak sortzea sustatuko dugu, Osasun eta Hezkuntza arloei lehentasuna emanez.
Espazioak egokitu
Espazio berriak prestatuko ditugu eta daudenak egokituko ditugu ikerketarako ekipamendu berriak ezartzeko eta Ikerketa Intentsiboko Zentro propioak finkatzeko eta zabaltzeko, bereziki CFAA, EHU-QC, HiTZ eta PIE.
Nazioarteko deialdietarako laguntza
Nazioarteko deialdietan parte hartzeko laguntza indartuko dugu, arreta berezia jarriz Europakoetan eta, bereziki, Europako Batzordearen esparru programan. Horretarako, laguntza neurri zehatzak ezarriko ditugu bere core ekintzetarako, hala nola MSCA eta ERCetarako, urteko 10 milioi eurotik gorako itzulera lortzeko helburuarekin.
Ikertzaileen mugikortasuna
Ikertzaileen mugikortasuna sustatzen jarraituko dugu eta egonaldietarako finantzaketa handituko dugu; 2026rako, UPV/EHUn doktoratu aurretik eta doktoratu ondoren kontratatutako aldi baterako ikertzaile guztiek gutxienez hiru hilabeteko esperientzia izango dute nazioartean.
Garapen profesionala
Garapen profesionala indartuko dugu, bai eta ikerketan lidergoa ere. Horretarako, ekintza espezifikoak egingo ditugu, helburu hauek lortzeko: plazak goiz finkatzea, ikerketa osagarrien aitortzan laguntzea, JARDUN programan kredituak hobeto aitortzea eta ikerketa proiektuetan lider izateko sarbidea eta pizgarriak sustatzea.
Mentoring
Mentoring programa sortuko dugu ikertzaile gazteei beren karrera akademikoa eta profesionala definitzen laguntzeko, doktoratu aurreko prestakuntzaren hasieratik abiatuz, kalitatezko prestakuntza ziurtatuz eta lan munduan eta mundu akademikoan integratzen lagunduz.
Talentua erakartzea
Ikerketarako talentua erakartzeko programekin jarraituko dugu, unibertsitatean edo Zientzia, Teknologia eta Berrikuntzaren Euskal Sarean (ZTBES) egonkortzea sustatuz, eta, horrela, atxikipena zein aberriratzea ere bultzatuz.
Pizgarriak transferentziarako
Sektore sozioekonomikoarekiko loturak indartuko ditugu; % 20 spin-off eta start-up gehiago sortzea sustatuko dugu, ikertzaileek aplikatutako berrikuntza proiektuetan parte har dezaten sustatuz (JARDUNen aitortzak eta bestelako pizgarri neurriak hobetuz).
Unibertsitate- gelak
Unibertsitatearen, enpresaren eta gizartearen arteko lankidetza bultzatuko dugu, ekintza zuzenen, unibertsitate-enpresa-gizarte ikasgelen eta unibertsitate-katedren bidez, berrikuntzan eta transferentzian dugun lidergoa sendotuz, gure gizartearen ongizatea hobetzeko.
Ezagutza Transferitzeko Bulegoa
Ezagutza Transferitzeko Bulegoa (OTC): OTC sendoa sortuko dugu, gure unibertsitateko komunitateari dibulgazioan, kontratazioan eta patenteetan laguntza eta orientazioa emateko; urtean 14 milioi euro arte handituko ditugu kontratuengatiko diru sarrerak, eta % 25eko igoera sustatuko dugu patenteen erregistroan; plantilla handituko dugu OTCren jarduera indartzeko hiru campusetan.
Katedra eta gela berriak sortzea
Unibertsitate-enpresa-gizarte ikasgelen eta gizartearekiko konpromisoa duten unibertsitate katedren formaziorako, ikerketarako eta transferentziarako jarduera sustatuko dugu, ikasgelei laguntzeko deialdia indartuz eta unibertsitate-gizarte gela berriak sortuz.
Lankidetzarako sarea
Lankidetzarako sare bat ezarriko dugu ikasgelen eta katedren artean, gizartearekiko konpromisoan eta inpaktuan ezarritako helburuetan sinergiak lortzeko.
Zientzia, Teknologia eta Berrikuntzaren Euskal Sareko (ZTBES) zentroak
ZTBESko zentroekiko aliantzak indartuko ditugu, bereziki talentua erakartzera, funtsak eskuratzera, graduondoko programetan lankidetza sustatzera eta nazioartean posizioa eta proiekzioa lortzera bideratutako neurriak bultzatuz.
Osasun arloko ikerketaren diagnosia
Biomedikuntzako eta Osasun Zientzietako ikerketari buruzko diagnosia egingo dugu, sinergia gehieneko ikerketaren eta transferentziaren emaitzak dituzten arloak indartzeko, eta txoke-plan bat proposatuko dugu gainerakoentzat, Zientziarako Euskal Sistemarekin lankidetzan (bereziki Osasun Ikerketarako Zentroekin, Ikerbasquerekin eta Osakidetzarekin), talentua erakartzeko eta dauden taldeak dinamizatzeko formulak bilatuz.
Osasun Globala
Zientziaren Dibulgazioa eta Jasangarritasunaren Hiria garatuko dugu, Osasun Globalaren (One Health) inguruko ikerketarako eta transferentziarako gunea izango dena, hiru campusetan presentzia izango duena, eta Itsasgunearekin eta ezagutzaren transferentziarekin lotutako beste egoitza batzuekin lankidetzan arituko dena.
Osasun arloan lankidetza handiagoa
Neurri zehatzak proposatuko dizkiogu Euskal Osasun Sistemari, osasun langileek Unibertsitatearekin ikerkuntzan lankidetza handiagoa izan dezaten eta osasun arloetako ikerketaren kalitatea eta kantitatea areagotzeko.
Arlo klinikoan ikerkuntza
Arlo klinikoan ikerkuntzan hasteko pizgarriak emango ditugu, ordutegien bateragarritasuna eta doktorego tesia osasun asistentzia lanarekin bateratzea erraztuz, ordutegia edo diru sarrera konpentsatzeko neurriekin.
Ikerketa kolaboratiboa, diziplina artekoa eta anitzekoa eta disziplinaz gaindiko ikerketa
Bikoiztu egingo dugu ikerketa kolaboratibora, diziplina artekoa eta anitzekoa eta disziplinaz gaindiko ikerketara bideratutako aurrekontua, unibertsitateko ikerketarako egituren arteko lankidetza erraztuz eta ikerketa eta ekintzailetza kultura sustatuz, arazo konplexuei eta gizartearen intereseko arazoei ikuspegi askotatik heldu ahal izateko.social desde múltiples perspectivas.
Jauzia ikerkuntzan
Gizarte Zientzietako eta Humanitateetako taldeetan, bereziki Hezkuntzakoetan, ikerkuntzan jauzi kualitatiboa errazteko ekintzak abiaraziko ditugu, Europako esparru programaren deialdietan parte har dezaten bultzatuz.
Ikerketa talde berriak
Tradizio eta ikerketa intentsitate txikiko arloek deialdi propioetan parte har dezaten sustatuko dugu, eta, bereziki, sortzen ari diren taldeak eratzeko funtsak gehituko ditugu.
Ikerketa irakaskuntzaren berrikuntzan
Ikerketa sustatuko dugu irakaskuntzaren berrikuntzaren esparruan. Horretarako babestuko ditugun proiektuak hauek dira: garatzen ari diren teknologiak eta pedagogia estrategia berriak erabiliaz irakaskuntza metodoak hobetuko dituztenak eta ikerketaren emaitzak unibertsitateko hezkuntza kalitatearen hobekuntzan aplikatzeko helburua dutenak.
Helburu estrategikoak
Euskadirentzat estrategikoak diren helburuak lortzeko beharrezkoak diren diziplinak identifikatzeko plana jarriko dugu abian, eta arlo horietan punta-puntako ikerketa eta transferentzia bultzatuko dugu, 2030erako lehentasunezko helburuak lortzeko.
Zientzia Irekia
Datu instituzionalen gordailua jarriko dugu abian, ikerketaren emaitzak berrerabiltzea eta erreproduzitzea bermatuko duen azpiegitura egokia eskaintzeko. Irekian argitaratzen laguntzeko baliabideak handitzen jarraituko dugu, eta, aldi berean, kontzientziaziorakoetaformaziorakoneurriakezarrikodituguirakasleentzatetaikertzaileentzat.
Genero ikuspegia
Genero ikuspegia bultzatzen jarraituko dugu deialdietan, eta UNIBASQekin lan egingo dugu ikuspegi hori hobetzeko ikerketaren eta transferentziaren osagarrien ebaluazioetan.
Pizgarriak
Sari eta aitortza instituzionalen bidez pizgarri sistemak ezarriko ditugu, ikertzeko eta kalitate handiko ezagutza transferitzeko ahalegina aitortzeko, nabarmentzeko eta ikusarazteko.
