Ikaslegoa
Unibertsitate esperientzia inklusiboa eta aktiboa sustatuko dugu, ikasleentzako aurrekontuari buruzko erabakiak hartzeko aukerekin, etxebizitza eskuragarriekin eta garraio hobetuarekin, ongizate mentaleko zerbitzuekin, malgutasun akademikoko programekin eta lanbide, kirol eta tokiko eta nazioarteko kultura garapenerako aukerekin.
Aurrekontu parte hartzailea
Ikaslegoaren eskura jarriko dugu hiru campusetan kultura eta kirol jarduerak antolatzeko erabiltzen den aurrekontuaren %50a.
Ostatua
Unibertsitate ostaturako sarbidea hobetzeko irtenbideak bilatuko ditugu eta egoitza berriak bultzatuz, OSTATU eta Ostatua Familietan bezalako programak indartuz. Halaber, Etxebizitza Solidarioen programa indartuko dugu erakunde publikoekin eta gizarte erakundeekin lankidetzan.
Garraioa. Campus artekoa garraioa
Garraio publikoa indartuko dugu hiru campusetara iristeko modu nagusi izan dadin, eta campusen arteko loturak hobetzeko.
Garraioa. Donostia-Leioa
Donostiatik Leioarako autobus linea bultzatuko dugu, eta garraio zerbitzu publikoaren barruan ohiko linea izan dadin lan egingo dugu.
Garraioa. Ibaetan geltokia
Eskuduntza duten erakunde publikoekin lankidetzan arituko gara, Donostia Bilborekin eta Vitoria-Gasteizekin lotzen duten ohiko linea batzuk Ibaetako campusean geltokia izan dezaten.
Matrikulen prezioa murriztea
Matrikulen prezioa aztertzea proposatuko diogu Eusko Jaurlaritzari, batik bat, lehen matrikularen prezioa ahalik eta gehien murrizteko eta ondorengo matrikulen egoerak aztertzeko.
Ordainketa epeak aldatzea
Matrikula ordaintzeko epeak aldatzea aztertuko dugu, ordaintzeko erraztasunak emate aldera.
Entzute eta Erantzute Sarea
UPV/EHUren Entzute eta Erantzute Sarea indartuko dugu ikasleen ongizatea sustatzeko, kolaboratzaileen kopurua bikoiztuz eta prestakuntza eskaintza berrituaren bidez.
Arreta Psikologikorako Zerbitzua
Arreta Psikologikorako Zerbitzua indartuko dugu, eta Desgaitasunak dituzten Pertsonentzako Zerbitzua egungo errealitateetara egokitu; adibidez, haren izena aldatu eta Premia Bereziak Dituzten Pertsonentzako Zerbitzua izendatuko dugu.
Higienerako produktuak
Emakumeen higienerako produktuekin hornituko ditugu komunak.
Ikasgeletarako sarbidea
Ordu tarte zabalagoan irekita dauden ikasgelak jarriko ditugu ikasleen eskura, beti ere bermatuz epe luzeagoetan irekita egongo direla, batik bat azterketa garaian.
Malgutasun akademikoa
Ikasketetan malgutasun handiagoa eskainiko diegu, batetik, lan egiten duten eta, bestetik, bizitza akademikoa eta ikasleen ordezkaritza bateratzeko zailtasunak dituzten ikasleei.
Partaidetza prozesuak
Ikaslegoaren eskura jarriko dugu berme demokratikoak eskaintzen dituen eta software librean eta kode irekian oinarritzen den unibertsitate partaidetzarako plataforma digitala.
Harrera Egunak
Ikasle berrien harrera ekitaldiak indartuko ditugu, ikasle hasi berrien, beteranoen eta nazioartekoen integrazioa erraztuko duten jardunaldi eta hitzaldi informatiboen bitartez, beti ere campusetan jarduera kultural eta ludikoak antolatuz.
Tutoretza eta bokaziozko orientazioa
Berdinen arteko Tutoretza programa (BAT) indartuko dugu, ikaslego berriaren integrazioa bultzatzeko eta ikasle beteranoaren jarraipena errazteko. Horrez gain, lanbide ingurunearekiko harremanak indartuko ditugu, tailerren, enplegu azoken eta aholkularitza profesionalen bitartez.
Ikasle olinpiadak
Kirol, kultura eta aisialdi jarduerak batzen dituen lehiaketa ludiko bat jarriko dugu abian, ikasleek parte har dezaten, UPV/EHUko kide izatearen sentimendua sustatzeko.
Ikasleen elkartegintza
Ikasleen elkarteei lagunduko diegu, haien diziplinartekotasuna sustatuz, eta estatuko eta nazioarteko lehiaketetan eta ekitaldietan parte hartzea erraztuko diegu. Bizitza akademikoaren eta ikasleen ordezkaritzaren arteko bateragarritasuna erraztuko dugu, kontziliazio neurriak hobetuz.
Kirol Programa Integrala (KIPI)
Ikasleen elkarteei lagunduko diegu, haien diziplinartekotasuna sustatuz, eta estatuko eta nazioarteko lehiaketetan eta ekitaldietan parte hartzea erraztuko diegu. Bizitza akademikoaren eta ikasleen ordezkaritzaren arteko bateragarritasuna erraztuko dugu, kontziliazio neurriak hobetuz.
Ikasleen jarduerak hedatzeko kanalak
Ikasleen jarduerak hedatzeko xedearekin hainbat kanal garatuko ditugu, horien artean sare sozialak.
Zurrumurruen aurkako taldea sortzea
UPV/EHUko ikasleez osatutako zurrumurruen aurkako taldea sortuko dugu, ZAS-Zurrumurruen Aurkako estrategiaren baitan, kulturen arteko bizikidetza sustatzeko.
Ikasletxeak
Ikasleen II. Partaidetza Plana gauzatuko dugu, bereziki lankidetzazko eta baterako sorkuntzarako gune berrien bidez eta ikasleen ekimena sustatuz. Halaber, autokudeatutako espazioak jarriko ditugu Arabako eta Gipuzkoako campusetako Ikasle Kontseiluen eskura.
Ikerketa prestakuntza
Prestakuntza osagarria eskainiko dugu, ikasleen ikerketa bokazioa areagotzeko jakintza arlo guztietan.
Ebaluazio araudia
Ebaluazio araudia eguneratuko dugu, berau onartu zenetik ikasitakoa, irakaskuntza ikaskuntza prozesuetako ebaluazioari buruzko egungo ezagutza eta ikaslegoaren feedbacka erabiliaz.
Ikasle Kontseiluak Zerbitzu Juridikoa erabili ahal izatea
Kanal bat irekiko dugu Ikasle Kontseiluko lehendakaritzak bere eskumeneko gaien inguruan txosten eskaerak helarazi ahal diezazkion UPV/EHUko Zerbitzu Juridikoari.
