Euskara
Euskararen sustapena bultzatuko dugu estrategia berritzaileak, praktika sareak, BIKAIN ziurtagiriak, hezkuntza bikaintasuna, koordinazioa, prestakuntza integrala, teknologia berriak eta kalitatezko argitalpenak sustatuz eta doktore tesiak babestuz.
Kudeaketa
Egiturazko egokitzapenak egingo ditugu euskararen kudeaketa eraginkorragoa izateko eta euskararen zeharkakotasuna indartu eta egonkortzeko baliabideak jarriko ditugu.
Euskararen erabilera bikoiztu
Euskara erabili eta ikasteko estrategiak eta ekintzak garatuko ditugu unibertsitate komunitateari bideratuta euskararen erabilera bikoizteko asmoz.
Euskara ikastaroak
Unean uneko beharren arabera aktiba daitekeen plan espezifiko, malgu eta dinamiko bat diseinatuko dugu, interes bereziko arloetan euskara ikastea errazteko.
Euskara praktikatzea
Ingurune ludiko-sozialean berdinen artean euskara praktikatzea errazteko sarea sendotuko dugu hainbat eremutan: campus bakoitzean, campusen artean eta nazioartean.
Dinamiken datu bankua
Jardunbide egokien datu bankua sortuko dugu ekimen arrakastatsuekin, euskararen erabilera eta kontzientzia soziolinguistikoa sustatzeko eta ikastetxeen dinamikan jardunbide egokiak integra daitezen, egoki ikusi ezkero.
Bikain
BIKAIN ziurtagiria bultzatuko dugu, atal, zerbitzu eta zentroen % 50ek gutxienez ziurtagiria lor dezaten.
Euskararen sakontze aipamena
Euskararen sakontze aipamena sendotuko dugu, ikasleek hizkuntzaren erabileran eta ezagutza linguistiko zein soziolinguistikoan sakontzeko aukera izan dezaten beraien prestakuntzan zehar.
Euskararen erreferentzialtasuna
Euskarazko irakaskuntzaren kalitatea hobetzeko eta gizartean erreferente izaten jarraitzeko ekintzak indartu eta berrituko ditugu.
Koordinazioa
Ikastetxeen arteko koordinazio sarea indartuko dugu, unibertsitate komunitate osoan euskararen sustapenerako ekintzak bultzatzeko eta partekatzeko.
Euskarazko eskaintza osatzea
Euskarazko irakaskuntza areagotuko dugu hizkuntzaren ikuspuntutik eskaintza osoa ez duten graduetan.
Hizkuntza plangintza
Graduko hizkuntza plangintza osatuko dugu, ikasleek bi hizkuntza ofizialetan hautazkotasun aukera berdina izan dezaten.
Euskarazko graduondoko eskaintza
Graduondoan eta bizitza osoko hezkuntzan euskarazko irakaskuntza eskaintza handituko dugu.
Automatizazioa
Kudeaketa administratibo eta akademikorako euskararako teknologia berriak unibertsitate komunitate osoaren esku jarriko ditugu, izapideak errazten eta automatizatzen dituzten sistemen bidez.
Tresna digitaletan erreferentzialtasuna
Erreferenteak izango gara euskarazko tresna digitalen erabileran.
Itzulpen eta interpretazioa
Teknologia berrien erabilera pixkanaka ezarriko dugu, aldibereko itzulpen eta interpretazioak errazteko.
Argitalpenak
Kalitatezko liburuak eta irakaskuntza materialak euskaraz argitaratzen jarraituko dugu.
Doktorego tesiak
Euskarazko doktorego tesiak egiteko laguntzak handituko ditugu.
