Azpiegiturak eta jasangarritasuna
Etengabe aurreratzen ari den unibertsitatea sustatuko dugu, osasun azpiegitura berriak, ikasteko eta ikertzeko guneak eta jasangarritasunarekiko eta irisgarritasunarekiko konpromisoa dituena, unibertsitateko esperientzia berritzaile eta globala eskaintzeko.
Urte anitzeko plana
Inbertsiorako Urte Anitzeko Plana gauzatuko dugu egungo azpiegituretan, eta eraikinak eta ekipamenduak berrituko eta eguneratuko ditugu, hautemandako beharren arabera.
Espazio modernoak
Instalazio zaharrenak modernizatzen jarraituko dugu, eta irakaskuntza, ikerkuntza eta administrazio espazioak hobetuko ditugu, erosotasun eta eraginkortasun estandar modernoak betetzen dituztela ziurtatuz.
Birmoldaketa
Leioa-Erandioko campuseko errektorego eta ikasgeletako plataformak eraisteko obrei ekingo diegu, eta, ondoren, espazio liberatuak urbanizatuko ditugu, aisialdirako espazio osasungarri bihurtzeko.
Egoitza Araban
Araban ikasleentzako egoitza berria eraikiko dugu, 230 plaza gehiago sortuaz.
Egoitza Gipuzkoan
Gipuzkoan egoitza berria eraikitzen hasiko gara, ikasle eta ikertzaileentzat 250 plaza inguruko edukierarekin.
Egoitza Bizkaian
Leioako eremuan ikasle eta ikertzaileentzako egoitza bultzatuko dugu, 450 eta 500 plaza artekoa.
Azpiegitura estrategikoak: Aurrekontua bikoiztu
Azpiegituretarako aurrekontua bikoiztu egingo dugu, BPGren % 1 lortzearekin batera.
Medikuntzarako eta Erizaintzarako azpiegiturak
Medikuntza eta Erizaintza Fakultate berria eraikitzen jarraituko dugu, eta azpiegitura berriak garatuko dira Araban eta Gipuzkoan, osasunaren arloan prestakuntzarekin eta ikerketarekin dugun konpromisoa are gehiago indartzeko.
Informatikako Fakultatea
Informatikako Fakultatean berrikuntzarako espazio berriak eraikiko ditugu, adimen artifizialak planteatzen eta proposatzen dituen gizarte, lege, teknologia, ingurumen eta ekonomia arloko erronka konplexuei erantzuteko diziplina anitzeko proiektuak diseinatu eta garatzeko.
Araban kirola
Arabako Campusa kirol azpiegitura berriez hornituko dugu, kirol zientzien arloko irakaskuntza eta ikerketa mailako beharrak asetzeko. Horrez gain, Campus Osasungarria sustatzeko aisialdirako guneak izango dira.
Azpiegitura estrategikoak: Osasun Globala
Medikuntza eta Erizaintza Fakultateko Leioako espazioan Zientzia Dibulgazioaren eta Iraunkortasunaren Hiria proiektua bultzatuko dugu, Osasun Globalean (One Health) ikertzeko eta transferentzia egiteko espazio batekin.
Hub-a sortzea
Gizarte, ekonomiko, juridiko eta artistikoen arloan diziplinarteko ikerketa eta transferentziarako hub bat sortuko dugu Zorrozaurre-Sarriko inguruan, herritarrei irekia, arlo horietako ikerketa taldeen diziplinartekotasuna bultzatuz eta lurraldeko erakunde eta entitateekin sinergiak sortzeko.
Aire zabaleko espazioak
ampusetan bizitza unibertsitarioa sustatzen duten aire zabaleko espazioak hobetuko ditugu, atseden hartzeko eta elkartzeko guneak areagotuko ditugu eta kultura eta kirol jarduerak bultzatuko ditugu.
Kirol instalazioak
Hiru campusetako kirol instalazioak hobetuko ditugu, espazio eta material egokiak berrituta, pertsona guztientzako kirol jarduera maila desberdinetan sustatzeko programak bultzatzeko.
Eraikinen jasangarritasuna
Unibertsitateko eraikinen jasangarritasuna eta efizientzia energetikoa sustatzen jarraituko dugu, hala nola energia berriztagarriko sistemak instalatzea (plaka fotovoltaikoak, geotermia, aerotermia, etab.).
Azpiegituren modernizazioa
Berokuntza, argiztapen eta klimatizazio sistemak eta altzariak modernizatzea eta hobetzea sustatuko dugu, energia kontsumoa mugatzeko eta emisioak % 35 baino gehiago murrizteko.
Energia erabilleraren monitorizazioa
Monitorizazio erreala: Energia erabilera denbora errealean monitorizatzea bultzatuko dugu, kudeaketa optimizatzeko.
Uraren politika eraginkorrak
Kanpusetan ura eraginkortasunez kudeatzeko politikak ezartzen jarraituko dugu, instalazioen modernizazioa sustatuz ur kontsumoa murrizteko eta bainuetan, laborategietan eta kontsumo handiko beste eremu batzuetan ura alferrik ez galtzeko teknologien erabilera sustatuz.
Kargagailu elektrikoak
Autoentzako kargagailu elektrikoak jarriko ditugu campus bakoitzean.
Garraio publikoa
Mugikortasun iraunkorra sustatuko dugu, garraio publikoko konexioak hobetuz, hala nola
Lanzadera Leioan
Leioako metro geltokitik Leioako campusera lanzadera elektrikoko autobus bat abiaraziz.
Bide berdea Leioan
Leioatik campusera bide berde bat sortzea bultzatuko dugu, mugikortasun jasangarria errazteko.
Ibilgailu elektrikoak
Campusetan ibilgailu elektrikoen erabilera erraztuko dugu, ibilgailu horientzako karga estazioak jarriz unibertsitateko aparkalekuetan.
Hondakinen kudeaketa
Murriztapenean, berrerabilpenean eta birziklatzean oinarritutako hondakinak kudeatzeko politika sustatuko dugu campusetan.
Plastikoak murriztea
Erabilera bakarreko plastikoen erabilera murrizteko, instalazio guztietan birziklatze puntuen kopurua handitzeko eta ikasleen eta langileen artean kontsumo arduratsuaren kultura sustatzeko programak ezarriko ditugu.
Ekonomia zirkularra
Ekonomia zirkularra bultzatuko dugu ekipoak eta materialak berrerabiliz.
Eraikuntza
Eraikuntza berrietan (martxan edo proiektuan daudenak) jasangarritasun estandar altuenak betetzen direla bermatuko dugu. Besteak beste, material ekologikoak, energetikoki eraginkorrak diren diseinuak eta ingurumen inpaktua minimizatzen duten eraikuntza sistemak erabiliko ditugu. Iraunkortasun ziurtagiriak jasotzea bultzatuko dugu, hala nola LEED, UPV/EHUko campusetan egiten diren eraikin berrietarako.
Elikadura: Aukera osasungarriak
Unibertsitateko ostalaritza establezimenduak eta vending-makinak sustatu eta zainduko ditugu, elikadura premia desberdinetara (beganoak, begetarianoa, etab.) egokitutako kontsumo jasangarria eta osasungarria babestuaz, elikagaien xahuketa murriztuz eta ekonomia zirkularra bultzatuz.
Elikadura: Janaria berotzea
Janaria berotzeko jantokiak jarriko ditugu hiru campusetan ikasleen beharrei erantzun egokia emateko.
Irisgarritasun unibertsala
Irisgarritasun unibertsala bermatuko dugu UPV/EHUko eraikin eta espazio guztietan, eta, premia bereziak dituzten pertsonei sarbidea errazteko, hobekuntzak egingo ditugu.
Sarbidea ziurtatu
Premia bereziak dituzten ikasleen aniztasuna kontuan hartuta, instalazioetarako, prestakuntza baliabideetarako eta ebaluazio probetarako sarbidea ziurtatuko dugu.
Klinika Odontologikoa
Beste erakunde batzuekin lankidetzan Klinika Odontologikoaren proiektua abian jarriko dugu Bilbon, eta giza zaurgarritasun egoeran dauden pertsonei arreta eskaintzearen aldeko apustua egingo dugu.
